الأسرة المسببة للأمراض النفسية
الأسرة المسببة للاضطراب النفسي
هل فعلا ممكن الاب أو الأم أو اعز الناس يكونه سبب في اضطراب فلذة اكبادهم وأجمل شيء في الدنيا وهي أبنائهم؟!😐
للاسف ايوة
بس برضو
خلي بالك مفيش اب أو ام بيكره ابنائه بل بالعكس بيحبهم جدا لكن مش عارف يعبر عن مشاعره تجاههم أو بيعبر بطريقة غلط ،أو الي اتربي علية وربما يكون غلط .وبيظهر في صورة
اما حماية زيادة وخوف شديد بيوصل الطفل انه في سجن زي
يابني متروحش تكلم دة ومتصاحبش دة وادخل الكلية الفلانية واشتغل في المكان دة و متشتغليش في المكان دة ومتتجوزيش دة ومتتجوزش دة
وتحكم وتسلط بدافع الخوف انه يغلط طبعا وانه مش هيقدر يختار صح لان في نظرهم لسة طفل . وعلى فكره
والله الحاجه الي بتعمل قصاري جهدك انه ميعملهاش وتحاول تمنعة
هيعملها من وراك برضو ومش بيعملها عشان هو عايز يعمل كدة ، أبدأ والله
انما بيعملها عنداً فيك وفي تحكمك وتسلطك على حياته
رسالة مهمه وخطيرة
لكل أب وكل أم نداء ضروري
ابنك أو بنتك اتولدة خلاص ومتحرموهمش من انهم يجربه وانهم يختارة لنفسهم حياتهم وعلموهم بالتدريج يعتمدة على نفسهم ،
ومفهاش حاجه لما يغلط ولما يختار غلط، ما لازم يتعلم ويجرب،بنفسة ودة مش عيب .برضو
خوفك عليه وحمايتك الزيادة واهتمامك المبالغ فيه
بيخنقه وبيكبت حريته
فعشان كدة بيبعد عنك ويبدأ يشوف اصحاب تانيين يتعلم منهم سلوكيات ويفضفضلهم عن مشاكله وميرجعلكش، وياعالم اصحابه كويسين ولا لا ومن هنا تبدا رحله الانفصال النفسي عن الأسرة بكل تعليماتها وقوانينها وسجنها ويروح للحاجة الي اختارها بنفسه وممكن يتعلم منهم سلوكيات وحشة وممكن يدخن ويدمن وغيرها 😐
وبعدين ترجع تقول اي كل دة
ازي حصل
وتكتشف انك متعرفش حاجه عنه وعن حياته
ولما حد يواجهك بتقصيرك ترد الرد المحفوظ
انا مقصرتش في حق ابني أو بنتي وموفرلهم معيشة يتمناها اي حد في سنة وانا مشوفتش الحاجات دي في حياتي.
المفروض يحمد ربنا على كل دة
عارف ردك على قسوتك وتسلطك وانك بتخاف على مصلحتهم وبتحبهم بس
صدقني مصلحتهم انهم يعيشة حياتهم من اختيارهم هما وانت تبقى ليك دور المرشد والموجه والناصح ليهم
مش المتحكم، والمتسلط
وتبقى نفسك تحقق خططك في اولادك الي مقدرتش تحققها وفشلت فيها
عايز تطلعه دكتور أو مهندس وعمرك ما سألته نفسك تطلع اية
عايز تجاوزها حد غني او صاحب مركز عشان تتباهي بيه
رغم انك عمرك ما سألتها بتحبيه وعيزاه ولا لا
امانه عليك تستوعب ان حياتهم مش ملكك وتقدر تتحكم فيهم
مفهاش حاجه
اديله نصايحك لو طلب لكن الاختيار الاول والاخير لنفسك. واديله خبراتك عادي بس متحكمش عليه يختار
الموقف دة حصل معايا
افتكر الموقف دة كويس قوي
لما اتخرجت من الثانوية العامة فكنت محتار ادخل كلية اية
كنت محتاج حد يرشدني فقولت لوالدي وولدتي رأيكم اية
فلان جاري بيقولي ادخل كلية حقوق أفضل
وصاحبي الفلاني قالي كلية التجارة
والمدرس الفلاني قالي قدم على تربية
أنتم رايكم اية
قالولي انت نفسك تقدم على اية
قولتلهم آداب وادخل قسم علم النفس أو إعلام
بس الناس قالت آداب ملهاش مستقبل
قالولي ملكش دعوة بحد ادخل الكلية الي بتحبها عشان تتحمل نتيجه اختيارك وتستحمل ومتقوليش فلان منه لله نصحني بحاجه وتعبت فيها .
الحمدلله دخلت الكلية والقسم الي كتبته في اول رغبه واستحملت بحلوها ومرها وعدت الايام واتخرجت وحاسس بجد انها الحاجه الحلوة الي في حياتي.
حتة في الشغل حاولت اخد رأيهم اشتغل اية قالولي الي يعجبك .دي حياتك انت حر فيها
حتى لما بفكر ارتبط مبيفرضوش علية حد
عشان كدة حابب
أوجه رسالة اخيرة لكل ولي أمر
صدقني يا كل أب وأم هدفكم نبيل وشريف
و هو أنكم تحققه السعادة والراحه لكل أبنائكم وتفرحه بيهم وبنجاحهم وتشوفوهم أفضل منكم وعشان تحققه دة بجد
خليهم يختاره الي بيحبوه سواء كان دراسة أو شغل او حتة جواز .
حتى لو عارفين انهم بيختار غلط من وجهه نظركم ،واديلهم نصيحتكم وخبرتكم
وبعدين
ادولهم الحرية يختاره طول ما هية رغبته كدة وانت اديتله نصيحتك .
عشان يتحمل مسؤولية اختياره وميرجعش يقولك انت فرضت عليه الحياة دي ولما تحصل مشاكل
ميقولكش انت السبب ،
انت الي غصبت عليه ،
انما لما يختار بنفسة
هيستحمل و هيكون سعيد بالحاجه الي اختارها .
وخليكم عارفين ان
أولادكم خلاص كبره ومبقوش محتاجين رعايتكم زي ما كانه أطفال. لكن محتاجين
حبكم 😍
نصيحتكم
ودعواتكم
محمد أحمد عبد الرحمن
اخصائي نفسي اكلينيكي
#ABC
ليست هناك تعليقات:
إرسال تعليق