الرئيسية ارشاد اسري تنمية ذاتية الخيانة الزوجية

ارشاد اسريتنمية ذاتية

الخيانة الزوجية

آيــه عمر- aya omr 0

A+ A-

 الخيانـــــــة الزوجيـــــة

#الخيانة_الزوجية

* من اكتر المواضيع ال اتطلب مني اني اكتب عنها ..

*اول حاجه امتي اقول جوزي خاين ..وامتي اقول انها مش خيانه
 والاهم ان مش اي حاجه نقول عليها خيانه ...

*هنقسم الخيانه  لجزئين ...

1- الخيانه الكبري / ال بتتمثل فالزنا فقط
2-الخيانه الصغري / ودي بقي زي الخيانه الالكترونيه ومكالمات وبنات .... والذي منه

- نيجي بقي للمهم الست اول ماجوزها يخونها من هنا اول حاجه تبدا تفكر فيها ..هو انا قصرت ف اي ...

وتبدا من هنا سلسلة لوم كبيره ع نفسها ومحمله نفسها المسؤوليه وتبدا بقي تلبس وتتزين و..و..و.تحسب ان هو ده السبب فالخيانه !!!
ده غير ان ثقتها بنفسها بتقل جدا  ..بل بتنعدم ف نفسها وف كل ال حواليها ..

اول حاجه ::
- لازم تبقي عارفه ومتاكده انك مالكيش اي ذنب فالموضوع ...
والموضوع ده يخص الراجل نفسو وشخصو هوا ..

- يعني الخيانه جريمه فرديه وليست جماعيه !!!

- يبقي اتفقنا اول حاجه ماترميش اللوم والتقصيرعليكي

-نيجي بقي لتاني حاجه ودي بقت شااائعه جدا جمله الستات بقت بتقولها كتير وبقت في لسانهم ع طول الا وهي
((((الرجاله كلهم خاينين))))

-مافيش حاجه اسمها كلهم لان دي مش طبع مولودين بيه فيه بيخون وفيه بيصون!!
- زي مافيه نفس الموضوع في الستات.. اقصد الخيانه
 يعني هنا المقصود ان الجمله دي غلط مش معني انك شفتي واحد او اتنين فالمحيط بتاعك يبقي الصنف كلو زي بعضو ..

- تالت حاجه
هتكلم فيها هي الخيانه الالكترونيه ودي بقت شاااائعه كتير فالبيوت الا من رحم ربي
-اهم حاجه فالنقطه دي والنقطه الجوهريه
اياك والتجسس والتتبع

-بالمفيد متفتشيش وراه ...ماتمسكيش موبايلو
دي من اكبر الحجات اللي بتخرب البيوت

-وفيه جزء تاني ان شاء الله هتكلم فيه عن الاسباب والعلاج وتصرفي ازاي وقتها

منتظره تعليقاتكم واسئلتكم

بقلم ::آيه عمر 

الوسوم: ارشاد اسري تنمية ذاتية